Aui si no a däm Marktstang gstangä und hei belustigt s Mausi a gluegt und si froh gsi, dass si ni a dr Reihä si und ni dra cho si.s'Mausi het nur dänkt "noni" het afo schmunzlä het das Buech ungerä Arm gno, s'Glas und d'Aperolfläschä.Het kehrtum gmacht u isch i eis Gschäft nach em angerä innä und usä wie äs Bindli hinger ihrä här wär. Denn mit vou packtä Täschänä zrüg zur Gruppä cho. "Uf was wardet dir? Chömet mir bruchä ä Pausä, aber ni bim Flo schüsch hei mir wider gsöuschaft mit dr Chueh." s'Mausi isch innä Park ihr nöchi und het sich ungernä grossä Baum gsetzt und afo uspackä.
Papbächer,Mineral,Schämpis u äs baar Bier.
Und Schirmli schöni Schirmli.
Het aunä ä Bächer i d'Hang drückt "sGlas paudi säuber" und aunä wo hei wöuä äs Aperol igschänkt dä angerä äs Bier oder Mineral oder au nur Schämpis. Und aui hei natürli äs Schirmli becho.
"Uf was die mir astossä?" het dr Robin gmeint.
"Auf eine normale Fortführung von diesem Tag." het dr Pinoccio gmeint."Obwohl ich das Gegenteil befürchte."
Aui hei die Pausä brucht, agstossä und ä Schluck gno.
Wo s'Mausi ä Schluck het wöuä nä, d'Lippä as Glas gfiert het isch ufsmau ä Orangschä Wirbusturm ufcho diräck uf Gruppä ungerem Baum, het aui i d'Luft gno und het sä im Kreis immer wider nach obä gwirrblet.
s'Mausi het grad no (die Hand) vom Amdeus verwütscht und sich a ihm chönnä fest häbä.
s'Elfenherz het versuecht mit ihrem Staub sich zbefreiä-zwäklos
dr Pinoccio het mit sim Schwärt wöuä Löcher i Wirbusturm schniedä-zwäklos
KnipsKeks het gfötelet und blitz was das zeug hält-zwäklos
às het gwirblet und gwirblet und het si uf 57 Meter i dHöhi zogä.
Ufsmau ischer ruhig wordä und aui si uf dr oberstdä Plattform vor Kathedrale von Split (Katedrala Svetog Duje)glandet s Wahrzeichä vor Stadt.
d'VatrenaLina het nur nur so näbä bi gmeint:"Phuuuu was isch jetzt das gsi und warum si mir usgrächnet da gländet. Die Kathedralä isch im 4 Jahrhundert erbaut wordä und isch am heiligä Domnius gweiht." Dr Pinoccio het nur anerkennent mitem Kopf gnickt.
Immerno si aui verdutz gsi und hei sich miesä samlä.
Anstadt s'Buech und s'Glas ihr "Hand" het s'Mausi nur no s'Buech und was isch de de das? Was hani do Ihr "Hand"
20261017_115002.jpg_compressed.jpg
"Ja toll, wo isch ächt do (Zeit für Aperol) nimau äs Schlückli isch mir gönnt gsi." het si gmeint und i d'Rundi gluegt. " Isch fein gsi" het d'Miamor gmeint und ufs Meer und Bucht abägluegt.
"U wie gohts jetzt witer?" het dr strubeli-housi gmeint. Amadeus het nur gseit:" Kathedralä-Uhr-Ziit, aber meh sägi ni, wet ja ni zviu Lösigä fingä, mir wüssä aui wo das cha hi fierä."
Miamor het sich nachem Lachafau beruhigt und zur Luckä zeigt." a geh, kommt'sgemma in'd Kirchen."
So hei sich aui ufä Wäg gmacht und si dür dLuckä bim Kiläturm d'Stägä zdürab. s'Blümchen het mit wachem Aug gseit:"aber ä Uhr u Zeiger gids da ni nur Gloggänä.
Genau i däm Ziitpunkt het Gloggä afo schlo siebä mau hinger nanger, dr ganz Turm het fibriert und Staub het sich vo dä Wäng glöst. D'Schrittä si vo aunä schneller wordä dr eint oder anger isch fasch keit aber hei sich chönnä uf fä und witter nach abä gsprungä bis si dr i Gang vor Kathetralä erreicht hei. wo aui dinn si gsi het sich Tür mitämä lutä knau zuegangä.
"Prima, ussert das mini Ohrä klingläisch mau einisch ni würkli öppis passiert!" het dr Robin i die grossi Hauä midem ehrfürchtigä Altar erliechteret vo sich gä. Aber au genau nach beändigung vo sim Satzt isch's wiisä Hochziitskleid erschinä. Äs isch uf Gruppä zue gschwebt und ufem Kleid isch kei Namä meh gsi nur ä Uhr wo fürä und hingerzi glofä isch. Wiisä Rauch het aui umhiut und d'Frau im rotä Kleid isch erschinä. Liislig und gheimnissvou het si gflüschteret:
"öppis isch endtschtangä,
hie vor em Althar aber nid zämmä gstangä.
Äs Biud, ä Kistdä goldig u rot
Ziit vor und zrüg bringt nur Not."
Aui hei ehrfürchtig zueglost und denn het d'AdrianaMare dr Muet ufbrocht und gfragt:"Was bedüdä die Rätsel was het das mit üs zdie?" d'Frau im rotä Kleid het afo lächlä und het gmeint:" Au dir sid dürs Biud dür Ziit und d'Brie......-genau i dä Momänt hets afo zittärä,flimmärä und poudärä, schwarzä Rauch isch ufcho und die schwarzä Männer si wider da gsi und si uf Gruppä zue gstürmmt. Keis Kleid kei rot kleideti Frau isch meh da gsi nur no sgrusä und d'Stimmä hei im Chor meint:" s'Buech köhrt üs, s'Buech köhrt üs!"
"Wo isch dr Usgang???" het dr Flo gschruä. Hektik isch uf cho, i aui Richtigä si si gsprungä bis d'seitenzauber und s'Elfenherz dank im Feeästaub Tür zum Usgang gfungä hei.
Nach auem was passiert isch i derä Kathetralä si aui ganz usser Kraft zämmä ud dr grossä Stägä ghocket dMönschä si a innä verbi ohni sö zbeachdä und si i die auti Kathetralä innä.
Und de het dr Amadeus lut afo überlegä:"das isch fasch sowies paradoxon Schiff vom Theseus. Mit dä Jahrä wärdä aui Plankänä mindischtens einisch ersetzt. Isches de immer no sglichä Schiff oder nur wenn mä die autä Plankänä wieder zämmä setzt isches de denn das richtigä Schiff. So wie bi üs, si si mir i dr richtigä Ziit oder die angerä wo üs ni gseh." "hmm, und wer ist dann in der richtigen Zeit gewesen Katarina die jeden Freitag gewartet hatte und wohl ein Kind hatte nach dem Foto zufolge, oder der unbekannte Mann der immer pünktlich da war???" het dr Robin d'Gedankä witer gseit vom Amadeus. Aui hei zueglost und au do het dr Pinoccio anerkennend gnikt. Ufsmau isch ä Windstoss cho het aunä d'Sicht vernäblet und de si si ar Bucht gstangä am Strand. Im Wasser isch am Amedeus sis Winkingerschiff gsie mitem Biud vo dazumau druf, und näbädra am Robin sis Boot wo vou intakt isch mit dr rotä Kistdä mitem goldigä Härz ufem Deck.
Aui luegä zu dä Schiff und au zu dä zwöi Herrä. "Mit welem Schiff goht jetzt üsi Reis witer?" het d'Vatrenalina gmeint. " Ig ha ä Idee!" schreit s'Mausi lustig und voller vorfreud dri,"Mir spielä Schäri,Stei,Papier und das drü Rundinä. Dä wo verlührt mit däm Schiff gohts witer, dä wo gwinnt tja dä het haut gwunnä
Auso bis Morn 21.10.26 um 20.00 Uhr duesch du
Amadeus und du
RobinHood mir drü Zeichä hingernanger mit privatnachricht zueschickä
Spielregel zum Verständnis
Schere schlägt Papier
Papier schlägt Stein
Stein schlägt Schere
3 Runden
viu Glück und Morn um 20.15 Uhr wirdi euchi Zeichä da bekannt gä
und denn wüssä mir mit welem Schiff as mir bi üsärä Gschicht witer fahrä.
Erst Aperol und dann Socken. Des is genau die Art von Belohnung, mit der wirklich keiner rechnet.
Ha immer guedi Lunä 
